Breyttur umsóknarfrestur fyrir gæðamerki

Tilkynning varðandi eTwinning gæðamerki (National Quality Label)

Eins og fram kom í fréttabréfi okkar í febrúar hefur landskrifstofan ákveðið að breyta vinnulagi varðandi umsóknir um eTwinning gæðamerki og óskar nú eftir umsóknum í lok skólaárs, í stað byrjun skólaárs að hausti. Umsóknarfrestur í ár er því 31. maí, en sökum þess að fyrirkomulagið er nýtt sýnir landskrifstofan því skilning ef umsóknir berast síðar.

Þessi breyting var gerð í samráði við eTwinning sendiherrana á Íslandi, með það í huga að umsóknirnar séu unnar á meðan verkefni eru enn í fersku minni og að kennarar geti unnið að umsóknum samhliða skýrslugerð í lok annar.

Auðvelt er að sækja um gæðamerki fyrir verkefni inni á eTwinning vefnum en hér er hægt að finna nánari leiðbeiningar. Hver og einn kennari í verkefni þarf að sækja sérstaklega um gæðamerki, þar sem þau eru veitt til einstaklinga en ekki verkefnisins í heild. Hægt er að senda umsóknirnar inn á íslensku.

Sótt er um gæðamerki fyrir verkefni sem er lokið eða eru á lokastigum. Umsóknir eru fylltar út á eTwinning Live svæðinu undir „Projects.“ Landskrifstofa eTwinning á Íslandi fer yfir íslenskar umsóknir en allar umsóknir verða að vera yfirfarnar fyrir ákveðinn frest að hausti sem auglýstur er inni á eTwinning síðunni.

Til þess að eiga kost á gæðamerki þarf verkefnið að uppfylla ákveðin skilyrði

  • Í verkefninu þurfa að liggja til grundvallar sameiginleg markmið og áætlun
  • Verkefninu þarf að vera lokið eða vera á lokastigum
  • Kennarinn sem sækir um gæðamerkið þarf að hafa lagt töluvert af mörkum í verkefninu og gerir grein fyrir því í umsókninni
  • Samvinna milli samstarfsaðila er sýnileg sem og afrakstur eða niðurstöður verkefnisins (þannig að þeir sem fara yfir umsóknina geti skoðað og metið verkefnið)
  • Þátttakendur verkefnisins hafa tekið til greina reglur um netöryggi og höfundarétt

Séu þessi atriði til staðar fer fram mat á verkefninu í eftirfarandi flokkum:

  • Nýbreytni í kennsluaðferðum og sköpun
  • Samþætting við námskrá
  • Samskipti og samstarf þátttakenda
  • Notkun upplýsingatækni
  • Niðurstöður og áhrif verkefnisins

Við hvetjum öll til að sækja um gæðamerki fyrir verkefni sem hafa uppfyllt skilyrðin hér að ofan. Nánari upplýsingar á eTwinning.is.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s