eTwinning fréttabréf – maí 2021

Í þessu fréttabréfi:

eTwinning nú á íslensku!

Vinnustofur

Takk fyrir árið og litið fram á veg

National Quality Label veitingar

Nú í þessari viku mætast allar landskrifstofur eTwinning á fundi þar sem við leggjum línurnar fyrir komandi átök. Það eru spennandi tímar framundan, en viðbúið er að kennarar víðs vegar um álfuna nýti aukna tæknikunnáttu sína og stundi rafrænt samstarf á netinu sem aldrei fyrr. Það er sama hvort þeir eru í Svíþjóð, Ítalíu, Makedóníu eða Líbanon. Samstarfsaðilar finnast víða – næsta skólaár verður negla.

Þangað til viljum við biðja ykkur um að njóta sumarsins í botn!

eTwinning á íslensku

eTwinning er nú á íslensku! Bæði eTwinning og School Education Gateway hafa verið þýdd á íslensku, og nú geta því kennarar um allt land tekið þátt í evrópsku samstarfi á okkar ástkæra ylhýra. Átakið er hluti ef fjöltungu stefnu Framkvæmdastjórnar ESB. Írar fagna með okkur en á sama tíma urðu vefirnir tveir aðgengilegir á gaelísku. Endilega prófið að stilla vefinn á íslensku – við lofum því að eTwinning upplifun ykkar bætist svo munar um!

Frétt um málið á etwinning.net

Vinnustofur og starfsmenntun

Einn helsti styrkleiki eTwinning er aðgengi að fjöldamörgum áhugaverðum ráðstefnum, kynningum og námskeiðum. Í hverri viku er eitthvað að sjá og læra, en þó að sumrið sé mætt verða einhverjir viðburðir í boði. Þann 18. júní verður til að mynda ‚Focus on STEAM: Bridging the gap between sciences and arts‘, þar sem farið verður yfir hvernig hægt er að samtvinna raungreinir við listir. Endilega lítið reglulega á eTwinning viðburði á eTwinning Live. Það er nær öruggt að þið finnið eitthvað við ykkar hæfi. Við munum svo setja alla viðburði inn á Twitter og Facebook, en við hvetjum ykkur til að fylgjast vel með þar.

eTwinning viðburðir

Takk fyrir árið og litið fram á veg

Óneitanlega erum við spennt fyrir komandi skólaári, og sömuleiðis að skilja núverandi ár eftir. Það er þó ekki þar með sagt að allt hafi verið ómögulegt. Margir íslenskir eTwinning kennarar voru klárir í bátana með að stofna til verkefna en áttu oft erfitt með að finna samstarfsaðila á meginlandinu. Þó tóku íslenskir kennarar alls þátt í 35 verkefnum á skólaárinu 2020-21. Þar af voru íslenskir kennarar stofnaðilar í 18 þeirra. Þó verkefnafjöldinn hafi oft verið meiri þá eru það gæðin sem telja og litu mörg skemmtileg verkefni dagsins ljós. Nú er umsóknarfrestur fyrir National Quality Label liðinn og erum við á landskrifstofunni að fara að demba okkur í að fara yfir umsóknirnar.

Allt um breyttan frest á National Quality Label

Við þökkum kærlega fyrir samstarfið í ár, en við nýttum tímann í hugmyndavinnu og að styrkja stoðir eTwinning fyrir næsta skólaár. Sjáumst hress að sumri liðnu!

Skráning á póstlista eTwinning: http://eepurl.com/doOzsz

Skráningar á ráðstefnur erlendis, spennandi verkefni, verðlaunaveitingar, tækifæri til starfsþróunar. Allt á einum stað

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s